Nae git ootay here,
ye plukey-faced wanker!

Fékk að vera viðstaddur við lagningu hornsteinsins í Fljótsdalsstöð. Massa mannvirki alveg lengst inni í fjalli. Þótti þetta samt frekar kjánalegt, að sjá 200 manns í sínu fínasta pússi með hvíta hjálma á höfði. Sérstaklega presturinn sem vígði bygginguna(er nokkuð til kvennkynsorð yfir prest?), í svarta kjólnum með hvíta kragann, og svo hjálminn, amen.
Eftir nokkrar ræður og kórsöngva fékk lokst forseti vor það hlutverk, ásamt nokkrum grunnskólabörnum, að leggja hornsteininn, eða að smyrja steypu í tvö lítil göt í einni súlunni. Vakti furðu mína að forseti vor sagði ekki orð allan tímann, mætti bara upp á svið, sullaði steypu á vegg og gekk niður. Ekkert til hamingju eða neitt! Það er auðvitað flestum ljóst að hann er ekki hlyntur þessari framkvæmd, en hann hefði alveg geta ropað út úr sér eins og einni til tveimur setningum, eða bara sleppt því að taka þetta verkefni að sér. Hann neitaði einnig öllum viðtölum við fjölmiðla og sleppti skoðunarferðinni upp að stíflu...hress gaur.

Eftir vígsluna var veisla og svo ball um kvöldið, en ég var bara rólegur.

spurning hvort þessar virkjanir fari sömu leið og bíóferðir
einu sinni þótti æði fínt að fara í sínu fínasta pússi í bíó en á seinni tímum hefur þetta fallið æ meira í skugga hversdagsathafna og nú til dags má maður prísa sig sælan ef fólk hefur skipt úr vinnugallanum eftir daginn
já ég sé þetta núna, 20 árum í framtíðinni flykkist fólk á sunnudögum til að sjá virkjun virkjaða (hahahaha) fyrir 400kr fjölskyldutilboð, popp og kók, hlaup fyrir stelpurnar
klístruð sæti og tyggjó á gólfinu
spurning hvað efri stéttin tekur sér fyrir hendur þá?